தமிழக வாக்காளர்களுக்கு…

நெஞ்சில் உரமுமின்றி நேர்மைத் திறமுமின்றி
வஞ்சனை சொல்வாரடீ! – கிளியே,
   வாய்ச்சொல்லில் வீரரடி!

கூட்டத்தில் கூடிநின்று கூவிப் பிதற்றலன்றி
நாட்டத்தில் கொள்ளாரடீ! – கிளியே,
   நாளில் மறப்பாரடீ!

கண்கள் இரண்டிருந்தும் காணுந் திறமையற்ற
பெண்களின் கூட்டமடீ! – கிளியே,
   பேசிப் பயனென்னடீ!

மாதரைக் கற்பழித்து வன்கண்மை பிறர்செய்யப்
பேதைகள் போலுயிரைக் – கிளியே,
   பேணி இருந்தாரடீ!

அச்சமும் பேடிமையும் அடிமைச் சிறுமதியும்
உச்சத்திற் கொண்டாரடீ! – கிளியே,
   ஊமைச் சனங்களடீ!

ஊக்கமும் உள்வலியும் உண்மையிற் பற்றுமில்லா
மாக்களுக் கோர்கணமும் – கிளியே,
    வாழத் தகுதியுண்டோ?

மானம்சிறி தென்றெண்ணி வாழ்வுபெரி தென்றெண்ணும்
ஈனர்க் குலகந்தனில் – கிளியே,
   இருக்க நிலைமையுண்டோ?

நாட்டில் அவமதிப்பும் நாணின்றி இழிசெல்வத்
தேட்டில் விருப்புங்கொண்டே! – கிளியே,
   சிறுமை யடைவாரடீ!

சொந்த சகோதரர்கள் துன்பத்திற் சாதல்கண்டும்
சிந்தை இரங்காரடீ! – கிளியே,
   செம்மை மறந்தாரடீ!

 

தமிழக வாக்காளர்களுக்குப் பணிவான வேண்டுகோள்: