வஞ்சக மன்னர் வடுகபூபதி

கட்சி அரசியல் என்பது எல்லா நாடுகளிலும் ஏறத்தாழ ஒரே இயல்புடையதுதான்.

அரசியல்வாதிகளின் இயல்பும் பொதுவாக நாட்டுக்கு நாடு வேறுபடுவதில்லை.

தேர்தல் காலத்தில் அரசியல்வாதிகளின் செயல்கள் எல்லா நாடுகளிலும் பெரும்பாலும் ஒத்த தன்மை உடையனவாகவே இருக்கும்.

வாக்குகளை நோக்கமாகக் கொண்டு வாக்குறுதிகளை அள்ளி வீசுவார்கள்.

இந்த வாக்குறுதிகளில் `இருப்பது வாக்கு; இல்லாதது உறுதி’ என்பது பொதுவான உண்மை.

எனவே தேர்தல் நேரத்தில் சொல்லப்படும் வாக்குறுதிகளைப் பெரும்பாலோர் கருத்தில் கொள்வதில்லை.

தமிழகத் தேர்தலில் வெற்றி பெறுவதற்காகக் கட்சிகள் சொல்லும் வாக்குறுதிகளை ஏற்றுக்கொள்வதும் புறந்தள்ளுவதும் தமிழக வாக்காளர்களின் உரிமை.

உள்ளூர்ப் பிரச்சினகள் குறித்து என்ன வேண்டுமானாலும் சொல்லட்டும்.

ஆனால் ஒவ்வொரு மணித்துளியும் உரிமைக்காகவும் உயிருக்காகவும் உணவுக்காகவும் மானத்துக்காகவும் போராடிக்கொண்டிருக்கும் ஈழத் தமிழ்மக்களின் சொல்லொணா இன்னலை வெறும் தேர்தல் பரப்புகைக்குப் பயன்படுத்திக்கொள்வது என்ன நியாயம்?

ஈழ மக்களையும் தமிழக மக்களையும் ஒருசேர ஏமாற்றுவது நடைமுறையாகிவிட்டது.

சிலமுறை ஏமாற்றினால் அதற்குப் பெயர் ஏமாற்றுவேலை.

பலமுறை ஏமாற்றினால் நாடகம்.

தொடர்ந்து ஏமாற்றினால் கபட நாடகம்; வஞ்சக நாடகம்.

- அ. நம்பி

 

வீடு வீடாக செல்! வாக்குகளைக் கேள்! தெரு தெருவாக அலைந்திடு! வீதி வீதியாக சென்றிடு ஊரெல்லாம் சுற்றிடு! தமிழ்நாட்டை காப்பாற்றிடு! இந்தியத் தாயகத்தை பாதுகாத்திடு! – அதற்காகவே தி.மு.க கழகம் தன்னை அர்ப்பணித்துக் கொண்டிருக்கிறது என்பதை மறந்து விடாதே, நாம் இலங்கையில் வாழ்கின்ற தமிழர்களுக்கு ஓரளவு நிம்மதியை அளித்திருக்கின்றோம். அடுத்து அவர்கள் பெறவேண்டிய ஈழத்தையும் பெற்று தருவதற்கு நம்மாலான முயற்சிகளை செய்ய இந்த பணியை நான் ஏற்றுக் கொண்டிருக்கின்றேன். – கருணாநிதி

செய்தி: